Tre circostanze
Quando sbassa
la testa
el galleto del core
e 'l stacio de la testa
fa semola e rumore
(pole esse mati',
anima, statte acorta,
'nte 'l cavo lavandi'
gorgoi com'acqua morta;
o la sera che snasa
i angoli co' la scopa
e la chiave de casa
non trova piu' la topa;
o la note febrile:
co' 'na facia de sogna
te presenti a 'n canile
d'amore e de vergogna),
quelo, quelo e' 'l momento:
un taio tra luce e scuro.
E l'imbambolamento
del tempo se fa muro.
